Li blazon qu’  Ritchèle s’ a tchûzi !

Dispôy li 17 dè meûs d’ djun 2002, Ritchèle èst fîr come on coq, la qu’ on-z-a bin volou rik’nohe si blazon qu’ è-st-ine proûve di s’ grandeûr passèye. Ci rik’nohance-la n’ pout-èsse fête qu’ d’ ine soce qu’ on lome è francès « Commission Nationale d’Héraldique vivante ».

Ci foûrit målåhèye ca çoula n’ si pout fé po on viyèdje (I n’ fåt nin roûvî qu’ Ritchèle èst ratèlé a Visé).

On d’manda don l’ blazon å no d’ l’ associåcion « Lès Radjous d’ Ritchèle ».

Adon-pwis, il a falou trover qwè mète dissus :

Lès djins qu’ ont studî l’ istwére dè viyèdje ont trové leûs-îdèyes tot r’montant a l’ vîle signeûrerèye di Ritchèle po ‘ne pårtèye, å vouwé Matias Dodèmont  po in-ôte pårt, èt po l’ treûzinme pårt, il ont fêt ‘ne clignète al vèye di Vîzé èt a sès åwes.   

Èt come tot bon blazon deût avu ine pitite fråse bin sûtèye, il on co r’fêt ine clignète ås åwes qui bagnèt sins måy nèyî… çou qi mosteûre bin qu’ lès djins d’ Ritchèle sont plins d’ èhowe !

Po l’ cis qu’ ènnè volèt savu on pô pus’, alez-se vèyî l’ françès, i-n-a dès saqwès qu’ on n’ pout nin dîre è walon, cåse qui çoula n’ åreût nole cogne !!!